Уран бүтээлч Ace Энхтөрийн анхны бие даасан үзэсгэлэн “Kosmogoria: Garden of Flesh” 7 сарын 27-ноос 7 сарын 29-ний өдрүүдэд Монгол Арт Галерейн 4 давхарт тавигдах болно.
Удирдаач: М.Золбаяр
Найруулагч: Ц.Билгүүн-Очир
7 сарын 27-ны өдөр үзэсгэлэнгийн хаалга 18:00 цагт нээж, 20:00 цагаас босоо хүлээн авалттай нээлтийн үйл ажиллагаа эхлэнэ.
Урилгаар(Guest artist):Aribella, Amgaa, Arguna, Yes.o, Chinguun.
“Kosmogoria: Garden of Flesh” үзэсгэлэнгийн бүтээлүүд анх харахад тухгүй, эвгүйцэм, харахаас зайлсхийм сэтгэгдэл төрүүлж магадгүй юм. Зураачийн анхны санаа нь “Inner beauty”- Дотоод үзэсгэлэн гоо юм. Гоо үзэсгэлэн гэдэг зөвхөн үзэгдэх, сонсогдохоос илүүтэйгээр бидний хэрхэн сэтгэн бодох, хэрхэн хайрлах, өөртэйгөө болоод бусадтай хэрхэн харилцахаас хамаарсан өөр олон мэдрэмжүүдэд оршдог гэдгийг илэрхийлэхийг зорьжээ.
