Уран бүтээлч: О.Золбоотөгөлдөр Art works of Zolboo Orgil
Үзэсгэлэнгийн нэр: “Magic Box”
Куратор: Др.Ц.Цэндпүрэв
Үзэсгэлэнгийн хугацаа: 2024.03.24-04.04
Байршил: Mongol Art Gallery
Дэмжигч байгууллагууд:
Alliance Française d’Oulan-Bator / Монгол - Францын төв
Vanjil Art Institute - Ванжил Арт Институт
УРАН БҮТЭЭЛЧ О.ЗОЛБООТӨГӨЛДӨРИЙГ ТАНИЛЦУУЛЖ БАЙНА!
Оргилын Золбоотөгөлдөр (1987 он, Монгол улс) нь СУИС-ийн Дүрслэх урлагийн дээд сургуульд (2005-2010, Дүрслэх урлагийн Бакалавр) болон Польш улсын Торун хотын Николас Коперникийн их сургуулийн Дүрслэх урлаг, Сэргээн засварын сургуульд тус тус суралцсан, карьерийн дунд үедээ явж байгаа уран бүтээлч, номын зураач юм. Одоогоор Улаанбаатар хотод уран бүтээлээ туурвиж байна.
Тэрээр эх орондоо нэр хүндтэй уран бүтээлч бөгөөд, олон улсад танигдан эхэлж буй Монголын ирээдүйтэй залуу авьяастнуудын нэг юм. Золбоотөгөлдөр нь 2013 оноос хойш нийт таван удаа бие даасан үзэсгэлэн гаргаж, гадаад, дотоодын хорь гаруй хамтарсан үзэсгэлэнд оролцож, хүүхдийн болон яруу найргийн номуудыг бүтээсэн туршлагатай.
2024 онд тэрээр зургаа дахь бие даасан үзэсгэлэнгээ удахгүй нээх ба мөн Францын Парис хотод олон улсын уран бүтээлчдийн резиденс хөтөлбөрт оролцохоор шалгарсан тул түүний хувьд их чухал жил болж байгаа билээ. Золбоотөгөлдөр нь Аллианс Франсезын Монгол дахь салбар (Alliance Française d'Oulan-Bator) болон Франц улсын Гадаад явдлын Яамны харьяа Францын Институт (Institut Français) -ээс Монгол Улсыг төлөөлөн, нэр хүндтэй “Cité Internationale des Arts Paris” резиденс хөтөлбөрт тэнцсэн уран бүтээлчдийн нэг болсныг та бүхэнд дуулгахад таатай байна.
Түүний "Magic Box" (мон.Шидэт хайрцаг) нэртэй үзэсгэлэн нь Монгол Арт Галерей дээр 2024 оны 3-р сарын 24-нд нээгдэх бөгөөд хоёр долоо хоногийн турш үргэлжилнэ. Тус үзэсгэлэнгий төсөл дээр Золбоотөгөлдөр нь куратор Др.Ц.Цэндпүрэвтэй (Ванжил Арт Институт) хамтран ажиллаж, үзэсгэлэнгээ олон нийтэд толилуулж байна.
ТА БҮХНИЙГ УРЬЖ БАЙНА!
Үзэсгэлэнгийн куратор
Др.Ц.Цэндпүрэв
Холбоо барих:
Цахим шуудан: zolbooorgil6@gmail.com
Холбогдох утас: 976-9596 8710
Нүүрномын хаяг: facebook.com/zolboo.orgil; facebook.com/zolboo.orgil.art
Инстраграм: zolboo_orgil/
